Google ADS

KQZ-ja cakton afatin e aplikimit për certifikimin e partive politike për zgjedhjet në veri

10:42 | 17 Nëntor 2022
K.B

Komisioni Qendror i Zgjedhjeve ka njoftuar se të gjitha subjektet politike (partitë politike, kandidatët e pavarur, koalicionet dhe iniciativat qytetare), të cilat duan të marrin pjesë në zgjedhjet e jashtëzakonshme për kryetar në Komunat Mitrovicë e Veriut, Zubin Potok, Leposaviq dhe Zveçan se afati për aplikim për certifikim të subjekteve politike dhe kandidatëve për pjesëmarrje në zgjedhje ka filluar më 15 nëntor dhe do të përfundojë më 21 nëntor 2022.

“Kërkesat për certifikim duhet të dorëzohen në Komisionin Qendror të Zgjedhjeve, përkatësisht në Zyrën për Regjistrim, Certifikim dhe Kontroll Financiar të Subjekteve Politike (ZRCKFSP), gjatë orarit të punës nga ora 08:00 deri në orën 16:00”, thuhet në njoftimin e KQZ-së.

Më 18 dhjetor, qytetarët e katër komunave në pjesën veriore të Kosovës do t’i nënshtrohen procesit zgjedhor për kryetar të komunave.

Kjo për shkak se kryetarët e deritashëm dhanë dorëheqje. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm